नेपालगन्ज १२ वैशाख : नेपालमा एकैदिन २८ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयका अनुसार हालसम्म मृत्यु हुने संक्रमितको संख्या ३ हजार १६४ पुगेको छ ।

पछिल्लो २४ घण्टामा १० हजार ७८ जनाको परीक्षण गर्दा ३ हजार १ सय २२ जनामा कोरोना पुष्टि भएको स्वास्थ्य मन्त्रालयले जनाएको छ ।

जसमा पीसिआर परीक्षणबाट ३ हजार ३२ र एन्टिजेनमा ९० गरी ३ हजार १ सय २२ जनामा कोरोना पुष्टि भएको हो । जसमध्ये १९ हजार ३ सय ८२ जना आइसोलेसनमा छन् । हाल ६९ जना क्वारेन्टिनमा छन् । गत २४ घण्टामा ४५० जना उपचारपछि डिस्चार्ज भएका छन् ।

योसँगै नेपालमा संक्रमणमुक्त हुनेको संख्या २ लाख ७७ हजार ५८२ पुगेको छ । अहिले देशभर सक्रिय संक्रमितको संख्या १९ हजार ९५० पुगेको छ ।