नेपालगन्ज १३ वैशाख : जिल्ला कोभिड–१९ संकट व्यवस्थापन केन्द्र (डिसिसिएमसी) बाँकेका अनुसार बाँकेका थप एक कोरोना संक्रमितको उपचारको क्रममा निधन भएको छ ।

डिसिसिएमसी बाँकेका फोकल पर्सन तेज ओलीका अनुसार नेपालगन्ज मेडिकल कलेज, कोहलपुरमा उपचाररत ४५ वर्षिया महिलाको निधन भएको हो ।

कोहलपुर नगरपालिका– ५ की उनमा वैशाख ११ गते नेपालगन्ज मेडिकल कलेजमा पिसिआर परीक्षणमा पोजिटिव देखिएको थियो । उनी वैशाख १२ गते अस्पताल भर्ना भएकी थिइन ।

योसँगै बाँकेमा कोरोना संक्रमण भई मृत्यु हुनेको संख्या ८७ पुगेको छ ।