नेपालगन्ज १३ वैशाख : तिव्ररुपमा फैलिएको कोरोना भाइरस संक्रमण र संक्रमितको मृत्युको खबरकाबीच बाँकेमा एउटा सुखद खबर बाहिरीएकोछ ।

कोरोना संक्रमितहरुको संख्या अचाक्लिलाग्दो गरि बढिरहेको अवस्थामा बाँकेकी एक ७ वर्षिया बालिकाले कोरोना जितेकीछन् ।

जिल्ला कोभिड–१९ संकट व्यवस्थापन केन्द्र(डिसिसिएमसी) बाँकेका फोकल पर्सन तेज ओलीका अनुसार पछिल्लोपछक बाँकेमा उपचाररत ७ वर्षिया एक बालिका र ७५ वर्षिया वृद्धासहित १२५ जना संक्रमितले कोरोना जितेर घर फर्केका हुन् ।

बाँकेमा हालसम्म पाँच हजार १२८ जना संक्रमित निको भएका छन् । पछिल्लो समय संक्रमित बढेसँगै गम्भीर र मृत्यु हुने संक्रमितको संख्या पनि बढेको छ ।

हिजो (आईतबार) मात्र बाँकेमा ४ महिला र ४ पुरुष सहित ८ जना संक्रमितको एकै दिन मृत्यु भएको डिसिसिएमसी बाँकेले जनाएको छ । बाँकेमा हाल २ हजार २७८ जना सक्रिय सक्रमित रहेका छन् ।