नेपालगन्ज १३ वैशाख : नेपालमा एकैदिन ३५ सय ५६ जना कोरोना भाइरसका संक्रमित फेला परेका छन् ।

पछिल्लो २४ घण्टामा देशभर १२ हजार ४ सय जनाको पीसीआर परीक्षण र ८ सय ९३ जनाको एन्टिजेन परीक्षण गर्दा क्रमशः ३ हजार ४ सय ४२ जना र १ सय १४ जनामा संक्रमण पुष्टि भएको हो । योसँगै नेपालमा कुल संक्रमितको संख्या ३ लाख ३ हजार ५६१ पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ३ सय ७८ जना निको भएका छन् । योसंगै नेपालमा हालसम्म निको हुनेको संख्या २ लाख ७७ हजार ९५१ रहेको छ ।

मन्त्रालयका अनुसार पछिल्लो २४ घण्टामा थप १२ जनाको मृत्यु भएको छ । नेपालमा कोभिड–१९ बाट ज्यान गुमाउनेको संख्या ३१७६ पुगेको छ ।