नेपालगन्ज १५ वैशाख : जिल्ला कोभिड–१९ संकट व्यवस्थापन केन्द्र (डिसिसिएमसी) बाँकेका अनुसार बाँकेमा थप २३३ जनामा कोरोना पुष्टि भएकोछ ।

भेरी अस्पताल नेपालगन्जमा गरिएको परीक्षणमा बाँकेसहित अन्य जिल्लाका गरी २३३ जनामा कोरोना संक्रमण देखिएको छ ।

बैशाख १३ गते संकलन गरिएका २८८ जनाको स्वाबको नमुना जाँच गर्दा बुधबार २३३ जनामा कोरोना संक्रमण पुष्टि भएको बाँकेका कोरोना फोकल पर्शन तेज ओलीले जानकारी दिए । जसमध्ये, १३९ जना पुरुष र ९४ जना महिला रहेका छन् ।

संक्रमितहरु बाँकेका २०८ जना, बर्दियाका १३ जना, कैलालीका २ जना, दाङका २ जना र अन्य जिल्लाका ८ जना रहेकाछन् ।

बाँकेका २०८ संक्रमितमध्ये १८२ जना नेपालगन्ज उपमहानगरपालिका भित्रका रहेका छन् ।