नेपालगन्ज १५ वैशाख : नेपालगन्ज मेडिकल कलेज शिक्षण अस्पताल कोहलपुरमा ३ सय शय्याको कोरोना डेडिकेटेड अस्पताल बनाउने भएकोछ ।

आगामी वैशाख २० गतेदेखि सञ्चालन हुने गरि कोरोना डेडिकेटेड अस्पताल बनाउन लागिएको हो । उक्त डेडिकेटेड अस्पतालमा कोरोनाका शंकास्पद बिरामीहरुका लागि राख्न ५० बेडको प्रिआइशोलेसन वार्ड हुने छ भने अस्पतालमा भर्ना हुने सिकिस्त बिरामीहरुका लागि ५० बेडको आइसियुको व्यवस्था हुनेछ ।

त्यसैगरि संक्रमण भई लक्षण भए पनि स्वास्थ्य अवस्था सामान्य भएका बिरामीका लागि अक्सिजन सहित २ सय बेड बनाइनेछ ।

आइसियुमा भर्ना हुने बिरामीका लागि आवश्यकता अनुसार हाइफ्लो नोजल क्यानला बाइप्यापसहित भेन्टिलेटरको व्यवस्था मिलाइनेछ । भने कोरोना डेडिकेटेड अस्पतालमा १ सय २० जना चिकित्सक, ३ सय स्टाफ नर्ससहित ल्याब र सरसफाइकर्मी करिब २ सय जना कर्मचारीहरु खटिने छन् ।

यसअघि मेडिकल कलेजले वैशाख ३ गतेदेखि शिक्षण अस्पताल कोहलपुरमा कोरोना ५० बेड र त्यसको एक हप्ता पछि १ सय बेडको कोरोना वार्ड सञ्चालन गर्दै आएको छ ।