नेपालगन्ज २२ वैशाखः बाँकेमा दिनहुँ ठूलो मात्रामा कोरोना संक्रमित निको हुन थालेकाछन् ।

कोरोना भाइर संक्रमणको हटस्पट बनेको बाँकेमा बुधबार (आज) मात्रै २९३ जना व्यक्तिले कोरानालाई जितेर घर फर्केकाछन् ।

जिल्ला कोभिड–१९ संकट व्यवस्थापन केन्द्र(डिसिसिएमसी) बाँकेका अनुसार १२३ जना महिला र १७० जना पुरुष गरी २९३ जना डिस्चार्ज भएका हुन् ।

डिस्चार्ज हुनेमा कोरोना संक्रमित ७६ वर्षीय बृद्ध समेत छन् । बाँकेमा कोरोना संक्रमितको संख्या दैनिक बढ्दो छ । यद्यपी कोरोनाबाट निको हुनेको संख्या पनि दिनहुँ बढिरहेकोछ ।

यसअघि हिजो मङ्गलबार मात्रै बाँकेका ३४२ संक्रमित निको भएर घर फर्किसकेकाछन् ।