नेपालगन्ज २८ वैशाख : नेपाल विद्यार्थी संघ शारदा नगरसमितिका सभापति युवा नेता तथा ठकुरी सहयोग सञ्जाल सल्यानका अध्यक्ष अभिषेक हमालले मास्क तथा सेनिटाइजर सहयोग गरेकाछन् ।

युवा नेता हमालले आफ्नो जन्मदिनको अवसरमा जिल्ला अस्पताल सल्यानलाई मास्क र सेनिटाइजर प्रदान गरेका हुन् ।

कोरोना भाइरस महामारीका बेला सामाजिक उत्तरदायित्व निर्वाह गर्दै नेविसंघ युवा नेता हमालले एक हजार थान मास्क र ५० थान सेनिटाइजर जिल्ला अस्पताल सल्यानलाई सहयोग गरेको बताए ।

उनले सेतोखरीसंग कुरा गर्दै भने –‘कोरोना संक्रमणका बेला जन्मदिनमा खर्च हुने रकमलाई जनसेवामा खर्चिएको हुँ । एकातिर रकमको सदुपयोग भएको छ भने अरुलाई पनि यो कार्यले प्रेरणा प्रदान गर्नेछ ।’

नेता हमालले प्रत्येक वर्ष आफ्नो जन्मदिनको अवसरमा केही न केही सामाजिक कार्य गर्दै आएको बताउँदै जिल्लामा कोरोना भाइरस नियन्त्रण तथा रोकथामका लागि आगामी दिनमा आफूले सक्दो सहयोग गर्ने बताए ।