नेपालगन्ज २ जेठ : चीनको बेइजिङ्गबा ५५० अक्सिजन सिलण्डर लिएर नेपाल एयरलाइन्सको वाइडबडी जहाज काडमाडौं आइपुगेको छ । हिजो राति चीनको बेइजिङ गएको जहाजले खालि अक्सिजन सिलण्डर ल्याएको हो ।

नेपालमा कोभिड महामारीको दोस्रो लहर तीव्र गतिमा फैलिएसँगै चीनले नेपाललाई २० हजार खाली अक्सिजन सिलण्डर दिने घोषणा गरेको थियो । चीनले दिएको २० हजारमा १८ हजार स्थलमार्गबाट आउँदै छ भने २ हजार नेपाल एयरलाइन्सले ल्याउँदै छ ।

गत मंगलबार चीनबाट ४५० अक्सिजन सिलण्डर ल्याएको नेपाल एयरलाइन्सले आज ५५० सिलिन्डर ल्याएको हो । नेपाल वायुसेवा निगमका अनुसार सोमबार र मंगलबार पनि चीनको बेइजिङबाट खाली अक्सिजन सिलण्डर ल्याउनेछ ।

अहिले बेइजिङबाट आएको बाइडबडी आज राति नै ११ बजे फेरि बेइजिङ जाने र बाँकी सिलण्डर ल्याउनेछ ।