नेपालगन्ज ६ जेठ : कोभिड–१९ संक्रमणबाट नेपाल प्रहरीका डिएसपीको निधन भएकोछ ।

काठमाडौंको मूलपानी स्थायी घर भएका डिएसपी राजकुमार केसीको निधन भएको हो ।

संक्रमित भएपछि डिएसपी केसीलाई नेपाल प्रहरी अस्पतालमा भर्ना गरिएको थियो । उपचारकै क्रममा गएराति उनको निधन भएको हो ।

उनी महानगरीय प्रहरी परिसर काठमाडौंमा कार्यरत थिए । केसी प्रहरी संगठनमा ईमान्दार र दक्ष अधिकृतको रुपमा परिचित थिए ।