नेपालगन्ज ७ जेठ : नेपाल पत्रकार महासंघ बाँकेका पूर्व अध्यक्ष एबम महासंघ लुम्बिनी प्रदेशका उपाध्यक्ष शुक्रऋषी चौलागाई कोरोना संक्रमित भएकाछन् ।

केहीदिनदेखि अस्वस्थ महसुस गरिरहेका उपाध्यक्ष चौलागाईले ५ गते भेरी अस्पताल नेपालगन्जमा पीसिआर जाँच गराएका थिए । भेरी अस्पताल नेपालगन्जमा जाँच गराएको पीसिआर रिर्पोट आज शुक्रबार पोजेटिभ आएको हो ।

सेतोखरीसंग कुरा गर्दै पत्रकार चौलागाईले भने–‘मेरो पीसिआर रिर्पोट पोजेटिभ आएकोछ । कोरोना संक्रमणबाट म पनि अछुतो हुन सकेन ।’ उनले भने–‘मेरो स्वास्थ्य अवस्था सामान्य छ । कम्मर दुख्ने र आलस्य लाग्ने जस्तो लक्षण छ । अहिले होम आइसोलेसनमा बसेकोछु ।’

कोरोना पोजेटिभ पत्रकार चालागाईकी श्रीमतीले समेत कोराना आशंकामा हिजो पीसिआर जाँच गराएको र त्यसको रिर्पोट अझै नआएको उनले जानकारी दिए ।

उनको एक छोरी र एक छोरा छन् । नेपालगन्ज उपमहानगरपालिका वडा नम्बर १० निवासी चौलागाईले भने–‘म बाहेक घरका अरु सदस्यलाई संक्रमण भएको छैन । परिवारका सदस्यदेखि अलग्गै होम आइसोलेसनमा बसिरहेकोछु ।’