नेपालगन्ज १३ जेठ : कोरोना भाइरस संक्रमणका कारण जारी निषेधाज्ञामा समस्यामा रहेका परिवारलाई माइती नेपालले खाद्यान्न वितरण शुरु गरेकोछ ।

माइती नेपालले निषेधाज्ञाका कारण नेपालगन्जमा रहेका र समस्यामा परेका परिवार लक्षित गर्दै पहिलो चरणमा खाद्यान्न बितरण शुरु गरेको हो ।

उपमहानगरपालिका स्तरीय संरक्षण बिषयगत क्षेत्र समन्वय समितिको सहकार्यमा आर्थिक तथा विपन्न वर्गको परिवार ज्येष्ठ नागरिक, अपांङ्गता, वयस्यक मनोरञ्जन क्षेत्रमा काम गर्ने र दैनिक ज्यालादारी मजदूरी गर्ने नेपालगन्जका बिभिन्न टोलहरुमा रहेका व्यक्तिहरूलाई खाद्यान्न सहयोग बितरण गरिएको छ ।

माइती नेपाले पहिलो चरणमा २० जनालाई लक्षित गरेर खाद्यान्न बितरण गरेको छ । ‘ज्याला मजदूरी गरेर खाने परिवार र भाडामा बस्ने परिवारलाई लक्षित गरी हामीले थोरै राहत होस भनेर खाद्यान्न बितरण शुरु गरेका छौं’, माइती नेपाल नेपालगन्जका संयोजक केशव कोइरालाले बताए ।

‘निषेधाज्ञाले दैनिक मजदूरी गर्ने परिवार अहिले समस्यामा पर्न थालिसके’, उनले भने ‘समस्या भएका परिवारलाई यो बेला झन कठिनाईको सामना गर्न परिरहेका छ, त्यस्तालाई हामीले सहयोग गछौं ।’