नेपालगन्ज २४ जेठ : देशभर थप ४ हजार ४७२ जनामा कोरोना भाइरस संक्रमण पुष्टि भएकोछ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको १२ हजार २ जनाको पीसिआर र ५ हजार ९०१ जनाको एन्टीजेन परीक्षणमा कुल ४ हजार ४७२ जनामा कोरोना पुष्टि भएको हो ।

पीसिआरमार्फत ३ हजार ३७० जना र एन्टीजेटमार्फत एक हजार १०२ जना संक्रमित पुष्टि भएको मन्त्रालयले जनाएकोछ ।

यसैगरी, पछिल्लो २४ घण्टामा देशभर ९२ जना संक्रमितको मृत्यु भएको छ । हालसम्म ७ हजार ९९० जना संक्रमितको मृत्यु भएको छ । आज मात्रै थप ६ हजार ९५१ जना संक्रमित निको भएका छन् ।