नेपालगन्ज ६ असार : नेपालमा दिनहुँ संक्रमित थपिने भन्दा कोरोनाबाट निको हुनेको संख्या बढ्दै गएकोछ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर ३ हजार ४५६ जना संक्रमित निको भएका छन् ।

योसंगै नेपालमा हालसम्म ५ लाख ५६ हजार ७९८ जना संक्रमित निको भइसकेका छन् । भने नेपालमा संक्रमित निको हुने दर ८८ दशमलब ५ प्रतिशत रहेको छ ।

स्वास्थ्य मन्त्रालयका अनुसार यही अवधिमा देशभरका प्रयोगशालामा गरिएको परीक्षणबाट २ हजार ४४२ जनामा कोरोना पुष्टि भएकोछ ।

देशभरका प्रयोगशालामा गरिएको १० हजार ९५६ जनाको पीसिआर र एन्टीजेट परीक्षण गर्दा २ हजार ४४२ जनामा कोराना पुष्टि भएको हो ।

मन्त्रालयका अनुसार ६ हजार ६७७ जनाको पीसिआर र ४ हजार २४९ जनाको एन्टीजेन परीक्षण गर्दा पीसिआरमार्फत १ हजार ४२१ जना र एन्टीजेटमार्फत १ हजार २१ जना संक्रमित पुष्टि भएका हुन् ।

यस्तै पछिल्लो २४ घण्टामा देशभर ५१ जना संक्रमितको मृत्यु भएको छ । हालसम्म ८ हजार ७२७ जना संक्रमितको मृत्यु भएको छ । भने देशभर ५५ हजार ५३२ जना सक्रिय संक्रमित रहेका छन् ।