नेपालगन्ज १३ असार : नेपाल पत्रकार महासंघ बाँकेका अध्यक्ष दामोदर भण्डारीको संयोजकत्वमा कोभिड–१९ सम्बन्धी जिल्ला स्तरीय मानव अधिकार अवस्था अनुगमन समिति गठन गरिएको छ ।

आईतबार नेपालगन्जमा भएको सरोकारवाला निकायबीच छलफलबाट अध्यक्ष भण्डारीको संयोजकत्वमा १२ सदस्यीय समिति गठन गरिएको हो ।

उक्त समितिको सदस्यमा गैसस महासंघ बाँकेका नमस्कार शाह, जिल्ला बारका गणेश प्रसाद थारु, एफडब्लुएलडीका वसन्त गौतम, फातिमा फाउण्डेसनकी मैमुना सिद्धीकी, इन्सेककी सरस्वती मल्ल, मानवअधिकार एलाइन्सका प्रभात ठकुरी, राष्ट्रिय अपाङ्ग महासंघका भावुकजंग थापा, फेडोकी निर्मला सुनार, चिकित्सक डाक्टर बिनोद कर्ण र फियानका सुरेश गौतम रहेका छन् ।

यसैगरी सदस्य सचिवका रुपमा राष्ट्रिय मानव अधिकार आयोग बाँकेकी अधिकृत द्वारिका अधिकारी रहेकीछन् ।