नेपालगन्ज १४ असार : देशभर थप ३ हजार ८ सय ५३ जना संक्रमित निको भएका छन् । यो संगै नेपालमा हालसम्म ५ लाख ८८ हजार १८७ जना संक्रमित निको भइसकेका छन् ।

स्वास्थ्य तथा जनसंख्या मन्त्रालयका अनुसार नेपाल संक्रमित निको हुने दर ९२ दशमलब ६ प्रतिशत रहेको छ । यसैगरी, पछिल्लो २४ घण्टामा देशभर २ हजार ४ सय ४४ जना व्यक्ति कोरोना संक्रमित भएका छन् ।

स्वास्थ्य मन्त्रालयका अनुसार देशभरका प्रयोगशालामा ११ हजार ६ सय ४० जनाको पीसिआर र एन्टीजेट परीक्षण गर्दा २ हजार ४ सय ४४ जनामा कोराना पुष्टि भएको हो ।

मन्त्रालयका अनुसार ६ हजार ६ सय ४८ जनाको पीसिआर परीक्षण गर्दा १ हजार ५ सय ९ र ४ हजार ९ सय ९२ जनाको एन्टीजेन परीक्षण गर्दा ९३५ जना संक्रमित पुष्टि भएका हुन् ।

पछिल्लो २४ घण्टामा देशभर ४२ जना संक्रमितको मृत्यु भएको छ । हालसम्म ९ हजार ५१ जना संक्रमितको मृत्यु भएको छ ।