नेपालगन्ज १८ असार : नेपालगन्ज उपमहानगरपालिका वडा नम्बर २ ले बालमैत्री अभियानलाई निरन्तरता दिएकोछ ।

बालमैत्री अवधारणा अवलम्बन गरेको नेपालगन्ज उपमहानगरपालिका वडा नम्बर २ को कार्यालयले विभिन्न गतिविधि मार्फत वडाका लक्षित समुहलाई सुसुचित गरिरहेकोछ ।

वडालाई बालमैत्री स्थानीय शासन लागु भएको वडा निर्माणमा अग्रसर वडाले लक्षित समुहलाई प्रशिक्षण दिनुका साथै आवश्यक सूचकहरु समेत पुरा गर्दै गइरहेकोछ ।

केही दिनअघिमात्रै बालबालिका सम्बन्धि आचारसंहिता निर्माण गरेको वडाले बालमैत्री कार्ययोजना समेत निर्माण गरेकोछ । बालमैत्री स्थानीय शासन सम्बन्धि पुर्नताजकी तालिम दिदैं बालमैत्री सम्बन्धि कार्ययोजना निर्माण गरेको हो ।

वडाअध्यक्ष सुनिल सिंह हमालका अनुसार बालमैत्री योजना निर्माणले वडालाई बालमैत्री स्थानीय शासन लागु भएको वडा निर्माणमा सहयोगी भूमिका खेल्ने बताए । उनले यसका लागि आगामी वर्षमा आवश्यक योजना तथा बजेट विनियोजनका लागि सहयोग गर्ने बताए ।

नेपालगन्ज २ नम्बर वडा कार्यालयको आयोजना तथा एकिकृत सामाजिक विकास केन्द्र (आइएसडीसि) नेपालको सहजिकरणमा भएको दुईदिने अभिमुखिकरणमा बालमैत्री कार्ययोजना तयार पारिएको हो ।

सो क्रममा वडा नम्बर २ का आमा समूह, बालक्लब, किशोरी क्लब, शिक्षक, बिद्यालय ब्यवस्थापन सिमित, महिला स्वास्थ्य स्वयम सेविका, जेष्ठ नागरिक समाज, समाजसेबी लगायत ३० जनाको सहभागिता रहेको थियो । भने आइएसडिसीका अध्यक्ष चित्रबहादुर केसी, वीरबहादुर हमाल र शेरबहादुर रौलेले प्रशिक्षणका साथै बालमैत्री कार्ययोजना निर्माणमा सहजिकरण गरेका थिए ।