नेपालगन्ज ३१ असार : देशभर थप दुई हजार ६७६ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर १२ हजार ७६८ जनाको परीक्षण गर्दा थप दुई हजार ६७६ जनामा कोरोना देखिएको हो ।

स्वास्थ्य मन्त्रालयका अनुसार ८ हजार २५६ जना पीसिआर परीक्षण गर्दा एक हजार ७८२ र ४ हजार ५१२ जनाको एन्टीजेन परीक्षण गर्दा ८९४ जनामा संक्रमण पुष्टि भएकोछ ।
योसंगै देशभर ७ लाख ९ हजार ३४७ जनामा संक्रमण पुष्टि भएको छ । जसमध्ये ६ लाख २५ हजार ५७० जना संक्रमित निको भइसकेका छन् ।

मन्त्रालयका अनुसार पछिल्लो २४ घण्टामा देशभर एक हजार ७५७ जना संक्रमित निको भई डिस्चार्ज भएका छन् । भने यही अवधिमा थप ३३ जना संक्रमितको मृत्यु भएको छ । योसंगै हालसम्म देशभर ९ हजार ४६३ जना संक्रमितको मृत्यु भइसकेको छ ।

पछिल्लो समय नेपालमा कोरोना संक्रमितको संख्या उकालो लागिरहेकोछ । विहीबार बेलुकासम्म देशभर २६ हजार ३३९ जना सक्रिय संक्रमित रहेको स्वास्थ्य मन्त्रालयले जनाएको छ । भने तीमध्ये २४ हजार २५ जना संक्रमित होम आइसोलेसन र २ हजार ६१४ संस्थागत आइसोलेसनमा रहेका छन् ।

यस्तै संस्थागत आइसोलसनमध्ये ६०२ जना आइसियुमा र १७१ जनाको भेन्टिलेटरमा राखि उपचार भईरहेको छ । देशभर २९२ जना विभिन्न क्वारेन्टिनमा रहेको स्वास्थ्य मन्त्रालयले जनाएको छ ।