नेपालगन्ज २७ साउन : देशभर थप ३ हजार ४८१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको १६ हजार ६५६ जनाको पीसिआर र एन्टीजेन परीक्षणमा थप ३ हजार ४८१ जनामा संक्रमण पुष्टि भएको हो ।

स्वास्थ्य मन्त्रालयका अनुसार १० हजार ९०७ जनाको पीसिआर परीक्षण गर्दा २ हजार ६१६ र र ५ हजार ७४९ जनाको एन्टीजेन परीक्षण गर्दा ६५जनामा संक्रमण पुष्टि भएको हो ।

मन्त्रालयका अनुसार देशभर थप एक हजार ८८५ जना संक्रमित निको भई डिस्चार्ज भएका छन् । पछिल्लो २४ घण्टामा ३० जना संक्रमितको मृत्यु भएको छ ।

देशभर ३८ हजार ३३ जना सक्रिय संक्रमित रहेको स्वास्थ्य मन्त्रालयले जनाएको छ । तीमध्ये ३४ हजार ८१३ होम आइसोलेसनमा रहेका छन् । संस्थागत आइसोलेसनमा ३ हजार २२० भने ७९६ जना आइसियुमा र १८४ जनाको भेन्टिलेटरमा राखि उपचार भईरहेको छ ।

देशभर ३९९ जना क्वारेन्टिनमा रहेको स्वास्थ्य मन्त्रालयले जनाएको छ । यसअघि हिजो देशभर थप ४ हजार ९०४ जनामा कोरोना संक्रमण पुष्टि भएको थियो । ३५ जनाको मृत्यु भएको थियो ।