नेपालगन्ज २९ साउन : देशभर थप ३ हजार ९१५ कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप ३ हजार ९१५ जनामा कोरोना संक्रमण पुष्टि भएको हो ।

मन्त्रालयका अनुसार देशभर गरिएको ११ हजार ७०८ पीसीआर र ६ हजार ८७४ जनाको एन्टीजेन परीक्षणका क्रममा ३ हजार ९१५ जनामा संक्रमण पुष्टि भएको छ ।

यो सँगै नेपालमा कुल संक्रमितको संख्या ७ लाख २८ हजार ५३२ पुगेको छ । कुल संक्रमितमध्ये ३८ हजार ७९८ सक्रिय संक्रमित छन् ।

यस्तै पछिल्लो २४ घण्टामा देशभरबाट थप २ हजार ११८ जना संक्रमित निको भएका छन् । यो सँगै देशभर निको हुनेको संख्या ६ लाख ७९ हजार ४९५ पुगेको छ ।

यही अवधिमा थप २७ जना संक्रमितको मृत्यु भएको मन्त्रालयले जनाएको छ । योसंगै कोरोना संक्रमणबाट मृत्यु हुनेको संख्या १० हजार २३९ पुगेको छ ।

हाल ३५ हजार ५१८ जना होम आइसोलेसन र ३ हजार २८० जना संस्थागत आइसोलेसनमा छन् । ४३९ जना क्वारेन्टाइन, ७३६ जना आइसीयू र १८६ जना भेन्टिलेटरमा रहेको मन्त्रालयले जनाएको छ ।