नेपालगन्ज १५ कार्तिक : देशभर थप ५३३ जनामा कोरोना संक्रमण पुष्टि भएकोछ ।

देशभर गरिएको ७ हजार ४६८ पीसिआर र ४ हजार १९६ जनाको एन्टीजेन परीक्षणका क्रममा थप ५३३ जनामा संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार योसँगै नेपालमा कोरोबाट संक्रमित हुने कुल संख्या ८ लाख १३ हजार ११ जना पुगेको छ । भने कुल संक्रमितमध्ये ९ हजार ३१८ सक्रिय संक्रमित रहेकाछन् ।

यस्तै पछिल्लो २४ घण्टामा देशभरबाट थप ४९० जना संक्रमित निको भएका छन् । यो सँगै देशभर निको हुनेको संख्या ७ लाख ९२ हजार २७७ पुगेको छ ।

मन्त्रालयका अनुसार यही अवधिमा थप ९ जना संक्रमितको मृत्यु भएको छ । हालसम्म कोरोना संक्रमणबाट मृत्यु हुनेको संख्या ११ हजार ४१६ पुगेको छ । हाल देशभर ११८ जना क्वारेन्टिमा छन् । भने २४१ जना आइसीयू र ७४ जना भेन्टिलेटरमा रहेको मन्त्रालयले जनाएको छ ।