नेपालगन्ज २७ कार्तिक : स्वास्थ्य तथा जनसंख्या मन्त्रालयका अनुसार कोरोना भाइरस संक्रमणका कारण थप २ जनाको मृत्यु भएकोछ ।

पछिल्लो २४ घण्टामा थप दुई जना संक्रमितको मृत्यु भएको हो । योसंगै नेपालमा हालसम्म कोरोना संक्रमणबाट मृत्यु हुनेको संख्या ११ हजार ४७१ पुगेको छ ।

यस्तै मन्त्रालयका अनुसार पछिल्लो २४ घण्टामा थप २९५ जनामा कोरोना संक्रमण पुष्टि भएकोछ । देशभर गरिएको ५ हजार २२५ पीसीआर र ३ हजार १८ जनाको एन्टीजेन परीक्षणका क्रममा २९५ जनामा संक्रमण पुष्टि भएको मन्त्रालयले जनाएको छ ।

यो सँगै कुल संक्रमितको संख्या ८ लाख १६ हजार ६७५ जना पुगेको छ । कुल संक्रमितमध्ये ७ हजार २७८ सक्रिय संक्रमित छन् । गत २४ घण्टामा ४७८ जना संक्रमित निको भएका छन् । यो सँगै देशभर निको हुनेको संख्या ७ लाख ९७ हजार ९२६ पुगेको छ ।

हाल ९८ जना क्वारेन्टिनमा छन् । १९३ जना आइसीयू र ५७ जना भेन्टिलेटरमा रहेको मन्त्रालयले जनाएको छ ।