नेपालगन्ज २५ पुष : नयाँ नेतृत्व चयनका लागि सहमति जुट्न नसकेपछि विवादित बनेको नेकपा एमाले बाँकेले अन्ततः नयाँ नेतृत्व चयन गर्न सफल भएकोछ ।

नेकपा एमाले बाँकेको ८ औं महाधिवेशन अन्र्तगत शुक्रबारदेखि नयाँ नेतृत्व चयनमा ठूलो रस्साकस्सी भएको थियो । रस्साकस्सीपछि अन्ततः आईतबार बेलुका नेकपा एमाले बाँकेको अध्यक्ष मण्डलले गरेको प्रस्तावमै सहमती जुटेको हो ।

सर्वसम्मत नेतृत्व छान्ने प्रयास स्वरुप अध्यक्ष मण्डलले किस्मतकुमार कक्षपतिको अध्यक्षतामा १२० सदस्यीय कमिटी प्रस्ताव गरेको थियो । त्यसैलाई मूर्तरुपमा दिने काम भएको छ ।

उपाध्यक्षमा डिल्ली बिसी, सचिवमा रत्न खत्री, उपसचिवमा भूमिसरा धिताल र दीपक बर्मा चयन भएका छन् ।

अध्यक्षका आकांक्षी निरक गुरुङ र अशोक कर्माचार्यले यसअघि अध्यक्ष मण्डलको प्रस्ताव अस्विकार गर्दै उम्मेदवारी दर्ता गराएपछि नेतृत्व छान्न नेकपा एमाले बाँकेलाई सकस भएको थियो । तर, गुरुङ र कर्माचार्यले उम्मेदवारी फिर्ता लिएसँगै एमाले बाँकेको नयाँ नेतृत्व सर्वसम्मत चुनिएको हो ।

थप समाचार

एमाले बाँकेको नेतृत्व चयनमा विवाद, सहमति जुटाउने प्रयास जारी