नेपालगन्ज ३० जेठ : गर्मी अत्याधिक बढेपछि बाँकेको डुडुवा गाउँपालिकाले पाँच दिन गर्मी विदा दिएको छ । आजदेखि असार ३ गतेसम्म पालिकाभित्रका सम्पूर्ण शैक्षिक संस्थाहरुबन्द रहने शिक्षा, युवा तथा खेलकुद शाखाले जनाएको छ ।

अत्याधिक गर्मीका कारण पठनपाठनमा समस्या भएपछि बाँकेका पालिकाहरुले गर्मी विदा दिएका हुन् ।

देशकै अत्यधिक गर्मी हुने बाँकेमा पछिल्ला केही दिनदेखि ह्वात्तै गर्मी बढेकोछ । गर्मी बढ्नुका साथै तातो हावा (लू) चलिरहेको छ । जसले गर्दा विद्यार्थी लगायतलाई पठनपाठनमा असर परिरहेकोछ ।

गर्मीका कारण बाँकेको ८ पालिकामध्ये नेपालगन्ज उपमहानगरपालिका, कोहलपुर नगरपालिका र खजुरा गाउँपालिकाले ५ दिनका लागि विद्यालयमा बिदा दिइसकेकाछन् । गर्मीले विद्यार्थी र शिक्षकको स्वास्थ्यमा प्रतिकूल असर पर्ने भन्दै यी पालिकाले जेठ २७ गतेदेखि भोली जेठ ३१ गतेसम्मका लागि विद्यालय बन्द गरेकाछन् ।

केही दिन यता बढेको अत्यन्तै गर्मीका कारण विद्यालयको पठनपाठन प्रभावित बन्न पुगेकोछ । कतिपय पालिकाले विहान विद्यालय सञ्चालन गरेर मध्यान्हको प्रचण्ड गर्मीमा विद्यार्थीहरु काकाकुल भएर घर फर्किने गरेकाछन् ।
हालसम्म बाँकेका ८ पालिका मध्ये नेपालगन्ज, कोहलपुर, खजुरा र डुडुवा गाउँपालिकाले सूचना जारी गर्दै विद्यालय बन्द गरेको जनाएकाछन् ।

कोहलपुर नगरपालिकासंगै राप्तीसोनारी, बैजनाथ, जानकी र नरैनापुर गाउँपालिकाले यस विषयमा अझै निर्णय गरिसकेको छैन ।

थप समाचार

बाँकेका स्थानीय तहले दिन थाले स्कुलमा गर्मी विदा