किर्गीस्तानमा रहेका नेपालीलाई घरबाहिर ननिस्कन आग्रह


सेतोखरी सेतोखरी   आइतबार, जेठ ६, २०८१
किर्गीस्तानमा रहेका नेपालीलाई घरबाहिर ननिस्कन आग्रह

आक्रमण भएको ठाउँ । यहाँ भारत, बङ्गलादेश, पाकिस्तानलगायत मुलुकका विद्यार्थीको छात्राबास थियो ।

नेपालगन्ज ६ जेठ : सरकारले किर्गीस्तानको राजधानी बिस्केक र वरपरको क्षेत्रमा रहेका नेपाली नागरिकलाई घरभित्रै रहन आग्रह गरेको छ। गत शुक्रबार त्यहाँका छात्रावासमा  हिंसात्मक आक्रमण भएपछि सरकारले त्यस्तो आग्रह गरेको हो ।
पाकिस्तानस्थित नेपाली राजदूतावासका अनुसार त्यहाँ रहेका सबै नेपाली सकुशल छन् ।   

‘बिस्केक र वरपर रहनुभएका नेपाली हाल सकुशल रहेको र स्थिति सामान्य नहुञ्जेलसम्म निवास÷घर बाहिर ननिस्कन आग्रह छ,’ दूतावासले विज्ञप्तिमार्फत भनेको छ । दूतावासले कुनै किसिमको समस्या परेमा उक्त देशमा रहेका स्थानीय नेपालीसँग वा इस्लामावादस्थित दूतावासको प्रत्यक्ष सम्पर्कमा रहन अनुरोध पनि गरेको छ ।

Care City Hospital Npj
kanti aarogya hospital
Health Care Clinic Nepalgunj

साथै दूतावासले कुनै जानकारी, सल्लाह वा सहयोग आवश्यक परेमा राजदूतावासको फोन नं +92512610321 (ह्वाट्सयाप समेत) र इमेल [email protected] मा सम्पर्क गर्न सकिने जनाएको छ।
बिस्केकमा चिकित्साशास्त्र अध्ययन गरिरहेका भारत, बङ्गलादेश, पाकिस्तानलगायत मुलुकका विद्यार्थी रहेका छात्राबासमा आक्रमण भएपछि दूतावासले उक्त आग्रह गरेको हो।

अन्तर्राष्ट्रिय सञ्चारमाध्यमहरूका अनुसार हाल बिस्केकको अवस्था सामान्य छ। त्यहाँको परराष्ट्र मन्त्रालयले बिस्केकको स्थिति नियन्त्रणमा रहेको जनाएको छ। छात्राबासमा भएको आक्रमणमा १५ जना विद्यार्थीलाई चोट लागेको र उनीहरूको उपचार भएको त्यहाँको परराष्ट्र मन्त्रालयले जनाएको छ। -रासस