नेपालगन्ज १३ साउन : साइप्रसमा दुई नेपालीमाथि छुरा प्रहार भएकोछ । जसमध्ये एकजनाको अवस्था चिन्ताजनक रहेकोछ जनाइएकोछ ।

साइप्रसको लिमाजोलको आइओस क्षेत्रमा दुई नेपाली युवकमाथि छुरा प्रहार भएको हो । उनीहरूमध्ये एकजना ३३ वर्षीय र अर्का २५ वर्षीय नेपाली युवक भएको जनाइएको छ ।

उनीहरू आईतबार (आज) बिहान घाइते अवस्थामा फेला परेका हुन् । स्थानीय सिटी सीआईडीले घटनाको अध्ययन गरिरहेको छ ।

घाइतेमध्ये एकजनाको अवस्था चिन्ताजनक रहेको बताइएको  छ । लिमाजोल जनरल अस्पतालको इन्टेन्सिभ केयर युनिटमा उनको उपचार भइरहेको छ ।

आक्रमणकारीको पहिचान हुन नसकेको र अधिकारीहरूले प्रमाण खोजिरहेका जनाइएको छ । घाइतेमाथि काँधमा छुरा प्रहार गरिएको पाइएको छ ।