टेक्सस(अमेरिका) १४ साउन : अमेरिकामा गोली हानेर एक नेपालीको हत्या भएकोछ । 

अमेरिकाको टेक्सस राज्यमा ती नेपालीको गोली हानेर हत्या भएको हो । मृतक रुकुम बाफीकोटको ३० वर्षका दीपक ओली भएको स्थानीय सञ्चारमाध्यमले जनाएका छन् । 

ओली टेक्ससको वाको सहर नजिकै हाइवे ३५ मा रहेको एक ग्यास स्टेसनमा काम गर्थे । यस घटनाबारे छानबिन गरिरहेको प्रहरीले बताएको छ । 

यो घटना सोमबार बिहान ५ः२० बजेतिरको भएको बताइएको छ । घटनाको समयमा बन्दुक बोकेर दुई पुरुष ग्यास स्टेसनमा आएको सीसीटीभी फुटेजले देखाएको छ । त्यतिबेला अली काउन्टरमा उभिरहेका थिए ।

उनी भाग्न खोजेपनि गोलीबाट भने बच्न नसकेको प्रहरीले बताएका छन् । ओलीको परिवारलाई यो घटनाबारे जानकारी गराइएको प्रहरीले बताएका छन् । ओलीकी एक श्रीमती र ५ वर्षकी छोरी रहेको बताइएको छ ।