नेपालगन्ज ३२ साउन : डोटीको दिपायल सिलगढी नगरपालिका–४ मा शुक्रबार (आज) बिहान बस दुर्घटना हुँदा १७ जना घाइते भएका छन् ।

धनगढीबाट दिपायलतर्फ गइरहेको शैलेश्वरी यातायातको ना ५ ख ४४५१ नम्बरको बस बिहान झिसमिसेमै (करीब ४ बजे) दिपायल सिलगढी नगरपालिका–४ स्थित रेडियो नेपालको प्रशारण केन्द्र नजिकै दुर्घटना भएको हो ।

जिल्ला प्रहरी कार्यालय डोटीका डीएसपी भीमलाल भट्टराईका अनुसार बस दुर्घटनामा ७ जना सामान्य, ९ जना मध्यम र १ जना गम्भीर घाइते भएका छन् । घाइतेहरूको हाल राजपुरस्थित सुजङ अस्पतालमा उपचार भइरहेको छ । बस सडकबाट करिब सय मिटर तल खसेको थियो ।

प्रहरीका अनुसार सडकबाट हुत्तिएको बस एउटा घरमा बजारिँदै दुर्घटनाग्रस्त भएको हो । बस घरमाथि बजारिँदा घरभित्र सुतिरहेकी एक महिला पनि घाइते भएकी छन् । प्रहरीका अनुसार दिपायल सिलगढी–४ रेडियो नेपाल बस्ने अर्जुन ठोकरकी श्रीमती ५० वर्षीया सरु नेगी ठोकर घाइते भएकी हुन् ।

उनीहरू सुतिरहेका बेला बस बजारिएर घर भत्किँदा नेगी च्यापिएकी थिइन् । उनका दुवै खुट्टा र छातीमा चोट लागेको छ । सुजङ अस्पताल राजपुरमा उपचाररत उनको अवस्था मध्यम छ ।

एकतले कच्ची टिनले छाएको भान्सामा पनि क्षति पुगेको प्रहरीले जनाएको छ । बस त्यहाँबाट पनि बल्ड्याङ खाएर तल खसेको थियो । स्थानीय लक्ष्मण बोगटीको पक्की घरको छत र एक तले कच्ची टिनले छाएको भान्सामा पनि क्षति पुगेको छ ।

दुर्घटनाको कारण खुलेको छैन । चालक, बस साहुसहित बसमा सवार १६ जना घाइते भएका छन् ।

यस्तो छ १६ घाइतेको नामावली र अवस्था

१. डडेल्धुरा गन्यापधुरा गा.पा. वडा नं. २ रिठा बस्ने वर्ष २३ की सविता देउवा कानमा चोट, अवस्था सामान्य ।
२. डोटी सायल गा.पा. वडा नं. ४ बस्ने वर्ष २४ को इन्द्र बोगटी टाउकोमा चोट, अवस्था मध्यम ।
३. डोटी सायल गा.पा. वडा नं. ७ गौरीगाउँ बस्ने वर्ष ८२ को तेजबहादुर सिंह, टाउकोमा चोट, अवस्था सामान्य ।
४. डोटी आदर्श गा.पा. वडा नं. ४ बस्ने वर्ष ३० का कृष्ण विष्ट, ढाड र टाउकोमा चोट, अवस्था मध्यम ।
५. डोटी आदर्श गा.पा. वडा नं. ४ वर्ष ३८ का सन्तोष बोहरा, कम्मर र हातमा चोट, अवस्था मध्यम ।
६. डोटी शिखर न.पा. १० वान्डुङग्रीसैन बस्ने वर्ष ३५ का भरत रावत ढाड, दाँया खुट्टामा चोट, अवस्था मध्यम । (चालक)
७. डोटी दिपायल सिलगढी न.पा. वडा नं. १ तिखा बस्ने वर्ष ४० की डम्मरी देवी खड्का खुट्टा, टाउको र कम्मरमा चोट ।
८. डोटी दिपायल सिलगढी वडा नं. ४ राजपुर बस्ने वर्ष ३ का दिलबहादुर नेपाली, कम्मरमा चोट । 
९. डोटी सायल गा.पा. वडा नं. ४ डौड बस्ने वर्ष ६५ का हर्कबहादुर सिंह, ढाड र दाँया खुट्टामा चोट, अवस्था मध्यम ।
१०. डोटी के.आई.सिंह गा.पा. वडा नं. २ डुम्राकोट बस्ने वर्ष ४२ का कमल विक्रम शाही (बस साहु), दाँया खुट्टा, टाउको छाती र दायाँ हातमा चोट, अवस्था मध्यम ।
११. डोटी दिपायल सिलगढी न.पा. वडा नं. ६ बस्ने वर्ष २९ का भेषराज धामी टाउको हातमा चोट । 
१२. डोटी आदर्श गा.पा. वडा नं. १ बस्ने वर्ष २३ का प्रकाश खड्का, टाउकोमा चोट, अवस्था मध्यम ।
१३. डोटी पूर्वीचौकी गा.पा. वडा नं. ७ टिमुरदह बस्ने वर्ष २१ का हिक्मत विक, हात, खुट्टा, मुखमा चोट, अवस्था मध्यम ।
१४. डोटी बोगटान फुड्सिल गा.पा. वडा नं.६ पलाडी बस्ने वर्ष ३५ का देवबहादुर बोगटी, हात, खुट्टा र टाउकोमा चोट, अवस्था मध्यम ।
१५. डोटी सायल गा.पा. वडा नं. ४ वर्ष ५६ का लालवीरे भुल, टाउको, हात, ढाड र खुट्टामा चोट, अवस्था मध्यम ।
१६. डोटी सायल गा.पा. वडा नं. २ बस्ने वर्ष ४० का दल बहादुर बयाडी, कम्मर र खुट्टामा चोट, अवस्था ।