नेपालगन्ज २२ भदौ :  बाँके, खजुरा गाउँपालिका वडा नम्बर–७ चाईनाभट्टास्थित सडकमा मोटरसाईकल दुर्घटना हुँदा एक जनाको मृत्यु भएकोछ ।

बर्दियादेखि नेपालगन्जतर्फ आउँदै गरेको भे ८ प ३०४९ नम्बरको मोटरसाइकल अनियन्त्रित भई शुक्रबार राती दुर्घटना हुँदा चालक बर्दिया बढैयाताल गाउँपालिका–५ बस्ने ३१ वर्षीय बिपिन पंगेनिको मृत्यु भएको हो ।

दुर्घटनामा गम्भीर घाइते भएका उनको नर्सिङहोम नेपालगन्जमा उपचारको क्रममा मृत्यु भएको जिल्ला प्रहरी कार्यालय बाँकेले जनाएकोछ ।