सिड्नी २३ भदौ : अस्ट्रेलियामा पहिलो पटक ‘ढिडो’ को स्वाद चखाउने रेस्टुरेन्ट व्यवसायी राजमान थकालीको निधन भएकोछ ।
अस्ट्रेलियाको नेपाली समाजमा रेष्टुरेन्ट व्यवसायीको रूपमा चिरपरिचित ५० वर्षिय थकालीको शनिबार उपचारको क्रममा सिड्नीमा निधन भएको पारिवारिक स्रोतले बताएको छ ।
स्वर्गीय थकाली लामो समयदेखि फोक्सोको रोगबाट पिडीत थिए । उनका श्रीमती र दुई छोरा छन् ।
नेपालबाट २८ वर्षअघि अस्ट्रेलिया पढ्न गएका राजमान थकाली सिड्नीको मुग्लान रेष्टुरेन्टका सञ्चालक तथा सहारा क्लव अस्ट्रेलियाका संस्थापक समेत हुन् ।
उनी १९९६ मा अध्यनका लागि अस्ट्रेलिया गएका थिए । उनी सन् २०११ देखि रेष्टुरेन्ट व्यवसायमा लागेका थिए ।
सिड्नीको टाउनहल र रक्डेलमा उनको रेष्टुरेन्ट छ । अस्ट्रेलियामा पहिलो पटक ‘ढिडो’ को स्वाद चखाउने रेस्टुरेन्ट व्यवसायीका रूपमा पनि चिनिन्थे थकाली ।
उनी भन्ने गर्थे– ‘खाना बेचेर घाटा लाग्दैन ।’ उनले १६ वर्षको अनुभवपछि आफै रेष्टुरेन्ट व्यवसायमा लागेका थिए । यसैबीच, उनको निधनमा अस्ट्रेलियामा रहेका नेपालीहरुले गहिरो शोक व्यक्त गरेका छन् ।
नयाँ समाचार
भेरी अस्पतालभित्र कसरी भएको थियो आक्रमण ? (सेतोखरी एक्सक्लुसिभ भिडियो )
गायक रवि ओडको स्वर तथा शब्दमा ‘टुटी सक्यो मुटु’ सार्वजनिक
अदितीको रोमान्स