सिन्धुपाल्चोक १२ असोज : निरन्तरको भारी वर्षाका कारण पहिरो जाँदा पूर्ववडाध्यक्ष दम्पतीको मृत्यु भएको छ ।

३६ घण्टायता लगातार भइरहेको वर्षाका कारण आएको बाढीले घर पुरिँदा सिन्धुपाल्चोक जिल्लाको लिसंखुपाखर गाउँपालिका–३ का पूर्वडाध्यक्ष काजीबहादुर लामा र उनकी पत्नीको मृत्यु भएको हो ।

गाउँपालिका अध्यक्ष राजु लामाका अनुसार राति १ बजेतिर आएको पहिरोले घर पुरिँदा उनीहरूको मृत्यु भएको हो ।

स्थानीय राति नै उद्धारमा पुगेका थिए तर, उनीहरू भने पहिरोमा पुरिएर बाँच्न सकेनन् ।