नेपालगन्ज। बाँकेकाे नेपालगन्जको एउटा घरमा छापा मारेर प्रहरीले ३५।९०० ग्राम खैरो हिरोइनसहित २ जनालाई पक्राउ गरेको छ। 

जिल्ला प्रहरी कार्यालय बाँकेका अनुसार नेपालगन्ज उपमहानगरपालिका(३ एकलैनी स्थिति ३२ वर्षीय मोहम्मद हसिन अन्सारी र २५ वर्षीय समिर अहमद अन्सारीलाई पनि प्रहरीले उक्त लागुऔषधसहित पक्राउ गरेको छ। 

गोप्य सूचनाका आधारमा लागु औषध नियन्त्रण ब्यूरोको शाखा कार्यालय नेपालगन्जको टोलीले उनिहरूको घरबाटै उक्त लागु औषध र ती दुईजनालाई पक्राउ गरेको हो। 

प्रहरीका अनुसार त्यहाँबाट प्रहरीले, ७३ हजार ७ सय नगद, पाँच थान मोबाइल र एउटा डिजिटल तराजु पनि नियन्त्रणमा लिएको छ। लागु औषध नियन्त्रण ब्यूरोले उनिहरूमाथि थप अनुसन्धान गर्न जिल्ला प्रहरी कार्यालय बाँकेलाई जिम्मा लगाइसकेको पनि जनाएको छ।