नेपालगन्ज २१ साउन : कोरोना भाइरस संक्रमणका कारण बन्द भएको संयुक्त अरब इमिरेट्स(यूएई)ले नेपाली प्रवेश खुला गरेकोछ ।

यूएईले कोरोनाविरुद्धको खोप लगाएका नेपालीलाई प्रवेश खुला गरेको हो । यूएईले आजदेखि लागु हुने गरी प्रवेश खुला गरेको आबुधावीस्थित नेपाली दूतावासले जनाएको छ ।
यूएईको भिसा भएका तर, खोप नलगाएका व्यक्तिलाई ४८ घण्टाको पीसीआर नेगेटिभ रिपोर्ट अनिवार्य गरिएको छ ।

योसंगै यूएईको सरकारी निकायमा कार्यरत व्यक्ति, यूएईमा कार्यरत स्वास्थ्यकर्मी, यूएईका विद्यालय तथा विश्वविद्यालयका शिक्षक, यूएईमा उपचार चलिरहेका व्यक्ति, विशेष मानवीय परिस्थिति भएका व्यक्तिले प्रवेश पाउनेछन् ।

उनीहरूले यूएई सरकारको अनुमति भने लिनुपर्नेछ । त्यसरी यूएई प्रवेश गर्नेका व्यक्तिको हकमा नेपालको विमानस्थलमा ¥यापिड टेस्ट हुने, यूएईका विमानस्थलमा अवतरण भएपछि पीसीआर परीक्षण हुने, क्वारेन्टिन लगायतका अन्य स्वास्थ्य प्रोटोकलको पालना गर्नुपर्ने दूतावासले जनाएको छ । यूएई प्रवेश खुला गरेसंगै घर विदामा आएका तथा यूएई जान सबै तयारी पुरा गरि बसेकाहरुका लागि राहत भएकोछ ।