नेपालगन्ज ११ माघ : केहीदिन दश हजारमुनि कोरोना संक्रमित भेटिरहेको नेपालमा मङ्गलबार ह्वात्तै संक्रमित संख्या उकालो लागेकोछ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशरभर १२ हजार बढि कोरोना संक्रमित थपिएकाछन् । भने यो अवधिमा थप ८ जना संक्रमितको मृत्यु भएकोछ ।

मन्त्रालयका अनुसार १८ हजार १०३ नमुनाको पीसीआर परीक्षण गर्दा नौ हजार ४३२ र सात हजार ८०६ नमुनाको एन्टिजेन परीक्षण गर्दा दुई हजार ५७६ जना गरि कुल १२ हजार ८ जनामा संक्रमण पुष्टि भएको हो ।

यस्तै पछिल्लो २४ घण्टामा तीन हजार ४० जना संक्रमणमुक्त भएका छन् । हाल देशभरमा ८८ हजार ९३४ सक्रिय संक्रमित छन् ।

मंगलबार थपिएसँगै नेपालमा कोरोना संक्रमितको कूल संख्या १० लाख ४५ हजार ६३४ पुगेको छ । मंगलबार थप आठजनासहित मृत्यु हुनेको कूल संख्या ११ हजार ६६७ पुगेको छ भने ८ लाख २७ हजार २७९ जना संक्रमणमुक्त भएका छन् ।

मन्त्रालयका अनुसार हाल देशभर सक्रिय संक्रमितमध्ये ८७ हजार ११७ जना होम आइसोलेसनमा रहेका छन् भने एक हजार ८१७ जना संस्थागत आइसोलेसनमा छन् । कोरोनाका बिरामीमध्ये २४५ जना आईसीयू र ४४ जना भेन्टिलेटरमा उपचाररत् छन् ।

थप समाचार

पहिलोपटक सुदूरपश्चिमका चार जनामा ओमिक्रोन पुष्टि, नेपालमा ओमिक्रोनबाट संक्रमित हुनेको संख्या ५९ पुग्यो