नेपालन्ज २१ असार : नेपालगन्ज उपमहानगरपालिका वडा नम्बर–२१ को बिर्ता गाउँका खाँले ईटा भट्टाले वर्षातमा जमेको पानी खोल्दा आफ्नो घर भत्काएको बताएका हुन् ।

डुडुवा गाउँपालिका–३ मा रहेको नाइम ईटा भट्टा उद्योगले वर्षातमा जमेको पानी निकास गराउने बहानामा आफनै नीजि जमिनमा निमार्ण गरिएको घर भत्काएको दावि गरे ।

नेपालगन्जको फुल्टेक्रा–बेतहनी सडकको बिर्ता गाउँस्थित उत्तरतर्फ आरिफले हालै आफ्नो जमिनमा घर निर्माण गरेका थिए ।

खाँले भने–‘नाइम ईटा भट्टाका मालिकले दादागिरी शैलीमा नगरप्रहरीको सहायता लिएर मेरो घर भत्काउँदै वर्षातको पानी निकास गरे ।’

उनले अगाडी थपे–‘पानी निकासको बहानामा ब्यक्तिगत जमिनमा बनेको घर भत्काइयो । यो कहाँको न्याय हो । मनपरि खन्दा आफ्नोसहित छिमेकीले रोपेको धान बाली र ब्याड समेत नष्ट भयो ।’ खाँले दोषीलाई कारबाही गरि क्षतिपूर्तीको समेत माग गरेकाछन् ।

स्थानीयबासी अक्लिम खाँले वर्षातमा जमेको पानी निकास गर्ने भन्दै ब्यक्तिगत जमिनमा बनेको घर क्षती हुने गरि गरिएको कार्य निन्दनीय छ । उनले अगाडी थपे–‘घर भत्केसंगै आरिफको उठिबास लागेकोछ । वर्षातको समय छ । अब उनी कहाँ बस्ने । यो सरासर गलत हो ।’

अक्लिमका अनुसार आरिफले निर्माण गरेको घर भत्काएर पानी निकास गरिएको हो ।

वर्षातको पानी जमेपछि आरिफमाथि प्रतिसोध साँध्नेगरि नाइम ईटा भट्टा उद्योगका मालिकले आरिफलाई पटकपटक धम्कि दिने र विवाद गर्ने गरेको स्थानीयबासी अक्लिम बताउँछन् ।

आरिफ र नाइम ईटा भट्टा उद्योगबीच बढ्दै गएको विवाद नेपालगन्ज उपमहानगरपालिकाको न्यायिक समितिमा समेत पुगेको थियो । तर, न्यायिक समितिका संयोजक तथा नेपालगन्ज उपमहानगरपालिकाका उपमेयर कमरुद्दिन राईले समेत एकोहोरो निर्णय गरि आरिफमाथि अन्याय गरेको अक्लिमको दावि छ ।