गुलरिया (बर्दिया) २४ साउन : बर्दियामा भएको मोटरसाइकल दुर्घटनामा परि एक जनाको मृत्यु भएको छ भने अन्य एक जना घाइते भएका छन् ।

बर्दियाको गुलरिया–भुरिगाँउ हुलाकी सडक खण्डको मधुवन नगरपालिका वडा नम्बर– ४ मख्खन चोक नजिकै तिव्र गतिमा रहेको भे १२ प ७३५ नम्बरको मोटरसाइकल अनियन्त्रित भई दुर्घटना हुँदा मोटरसाइकलमा सवार २७ वर्षिय सोनिया थारुको मृत्यु भएको हो ।

जिल्ला प्रहरी कार्यालय बर्दियाका अनुसार दुर्घटनामा परी गम्भीर घाइते सोनियाको उपचारको लागी जिल्ला अस्पताल गुलरिया लैजादैँ गर्दा मृत्यु भएको हो भने मोटरसाइकल चालक ३० वर्षिय सुनिल चौधरी गम्भीर घाईते भएकाछन् ।

मोटरसाईकल दुर्घटनामा गम्भीर घाइते भएका सुनिलको नेपालगन्जमा उपचार भैरहेको छ । प्रहरीले घटनाबारे थप अनुसन्धान गरिरहेको जनाएको छ ।