नेपालगन्ज २७ असार : सामुदायिक वनमा च्याउ टिप्न गएकी एकम महिलालाई भालुले आक्रमण गर्दा गम्भीर घाइते भएकीछिन् ।

दाङ जिल्लाको लमही नगरपालिका वडा नम्बर–६ स्थित कर्री सामुदायिक वन क्षेत्रमा जङ्गली च्याउ टिप्ने क्रममा भालुको आक्रमणमा परि ४६ वर्षीया सहरी घर्ती गम्भीर घाईते भएकी हुन् । 

बिहीबार बिहान करिब साढे पाँच बजे जङ्गली च्याउ टिप्ने क्रममा उनलाई भालुले आक्रमण गरेको थियो । 

उनको अनुहारमा गम्भीर चोट लागेको छ भने दुवै हात भाँचिएको छ । घाइते घर्तीको लमही अस्पतालमा प्राथमिक उपचारपछि थप उपचारका लागि बुटवल पठाएको लगिएको प्रहरीले जनाएको छ।

घर्ती पाँच जनाको समूहमा च्याउ टिप्न जङ्गल गएकी थिइन् । उनका दुई जना साथीलाई भालुको नङ्ग्रा लागेको भए पनि उनीहरु भाग्न सफल भएका थिए ।