नेपालगन्ज १७ साउन : घाँस काटिरहेका बेला बाघले आक्रमण गर्दा कञ्चनपुरमा एक महिलाको मृत्यु भएकोछ । 

बिहीबार बिहान दोधाराचाँदनी नगरपालिका–२ कमला शाह टोलमा बाघको आक्रमणबाट सोही ठाउँकी २३ वर्षीया हीरा शाहको मृत्यु भएको हो ।

जिल्ला प्रहरी कार्यालय कञ्चनपुरका डीएसपी उमेश जोशीका अनुसार घरनजिकै उखुबारीमा घाँस काट्ने बेला शाहलाई बाघले झम्टिएको थियो । 

शाह विवाहित महिला हुन् । घटनास्थलनजिकै बुधबार पनि बाघ देखा परेको स्थानीयले बताएका छन् ।

अहिले घटनास्थलमा प्रहरी पुगेको छ । घटनाको विस्तृत विवरण आउन बाँकी छ ।