नेपालगन्ज १४ भदौ : महाकाली नदीमा हाम फालेर दार्चुलाकी एक किशोरी बेपत्ता भएकी छन् ।

जिल्ला प्रहरी कार्यालय दार्चुलाका प्रवक्ता प्रहरी निरीक्षक ज्ञानेन्द्रबहादुर सिंहका अनुसार जिल्लाको नौगाड गाउँपालिका–४ सिप्टीकी १७ वर्षीया ममता टमटाले महाकाली नदीमा हामफालेर बेपत्ता भएकी हुन् ।

उनले बिहीबार दिउँसो ४ बजेतिर महाकाली नदीमा हाम फालेको प्रहरी निरीक्षक सिंहले जानकारी दिए ।

उनी आफ्नी आमासँगै गाउँबाट सदरमुकाम आएकी थिइन् । नदीमा एक्कासि किन हामफालिन् भन्ने बारे खुल्न नसकेको प्रहरीले जनाएको छ । यसबारे थप अनुसन्धान भइरहेको छ ।