नेपालगन्ज ८ असोज : मदिरा पिएर प्रहरी आचरण विपरीत गतिविधि गरेको आरोपमा कर्णाली प्रदेश प्रहरी कार्यालय सुर्खेतका डीआईजी अर्जुन चन्द ठकुरी हेडक्वाटर तानिएका छन् ।

उनको ठाउँमा जनक भट्टराईलाई पठाइएको छ । निमित्त आईजी टेकप्रसाद राईका अनुसार आईतबारको मन्त्रीस्तरीय निर्णयबाट डीआईजी ठकुरीलाई हेडक्वाटरको अपराध अनुसन्धान विभागमा सरुवा गरिएको छ ।

यसअघि २६ भदौमा रकम लेनदेनमा मुछिएको आरोपमा मधेश प्रदेशका डीआईजी यज्ञविनोद पोखरेलको पनि सरुवा गरिएको थियो ।

उनलाई हेडक्वाटरस्थित प्रदेश समन्वय विभागमा सरुवा गरिएको थियो । उनको ठाउँमा अर्का डीआईजी लालमणी आचार्यलाई पठाइएको थियो ।