नेपालगन्ज: ब्राउन सुगरसहित एकजना पक्राउ परेकाछन् । नेपालगन्जको सेतु बिक चोकबाट ९ ग्राम ब्राउन सुगरसहित प्रहरीले सुमित बोहरालाई पक्राउ गरेकोहो ।

लागुऔषध नियन्त्रण व्यूरो नेपालगन्ज र जिल्ला प्रहरी कार्यालय बाँकेको संयुक्त टोलीले सुर्खेत बीरेन्द्रनगर–६ का ३२ बर्षिय बोहरालाई आज पक्राउ गरेको हो ।

पक्राउ परेका बोहरालाई हिरासतमा राखेर अनुसन्धान गरिरहेको प्रहरीले जनाएको छ ।

बोहराका साथबाट भे ४ प १४८१ नम्बरको स्कुटीसमेत नियन्यत्रमा लिइएको जिल्ला प्रहरी कार्यालय बाँकेका प्रहरी प्रवक्ता एवं प्रहरी नायव उपरीक्षक शिवबहादुर सिंहले जानकारी दिए ।

पछिल्लो समयमा भारतीय बजार रुपैडिहबाट प्रतिबन्धित लागुऔषध लिएर आउने समुह प्रहरीको नियन्त्रणमा पर्दै आएको छ ।