नेपालगन्ज: नेपालगन्ज–कोहलपुर सडकखण्डको गनापुर नजिक मोटरसाईकल र ट्यांकर एकआपसमा ठोकिएकोछ । मोटरसाईकल र ट्यांकर ठोकिदाँ मोटरसाईकल चालकसहित एकजान घाईते भएको जिल्ला ट्राफिक प्रहरी कार्यालय बाँकेले जनाएको छ।

कोहलपुरदेखि नेपालगन्ज आइरहेको ना५ ख १६६ नम्बरको ट्यांकरलाई भे ६ प ४०६६ नम्बरको मोटरसाईकलले ओभरटेक गर्दा साढे चारबजेतिर दुर्घटना भएको जिल्ला ट्राफिक कार्यालय बाँकेका प्रमुख पविन्द्र बमले जानकारी दिए ।

ट्यांकरमा ठोक्किएर मोटरसाईकल डिभाइडरमा ठोकिँदा दुर्घटना भएको हो । दुर्घटनामा मोटरसाईकलको अगाडीभागमा क्षती पुगेकोछ ।
उनका अनुसार मोटरसाईकलमा सवार एकजना बालक र मोटरसाईकल चालक सामान्य घाईते भएका बुझिएको बताए ।

पछिल्ला दिनमा सडक दुर्घटना बढेर आएकाछन् । यहि आईतबार बाँकेको कोहलपुरमा ट्रकले ठक्कर दिदाँ त्रिभुवन उमावि कक्षा ७मा अध्ययनरत १३ वर्षिया बालिकाले दुवै खुट्टा गुमाउनु परेकोछ ।