नेपालगन्ज : सीमावर्ती भारतीय बजार रुपईडिहामा एक नेपाली लागु औषधसहित पक्राउ परेका छन् । आदर्श थाना रुपईडिहाले जाँचका क्रममा सुर्खेत सोमोटीका दिपेश सोमैलाई ५० ग्राम लागुऔषध स्म्याकसहित पक्राउ गरेको हो ।

रुपईडिहाका उपनिरीक्षक शेषमणि पाण्डेको नेतृत्वमा रहेको गस्ती टोलीले बिशेष सुराकीको आधारमा उनलाई पक्राउ गरेको बताइएको छ ।

गस्ती टोलीमा रामप्रसाद, सूरज चौधरी, जितेन्द्रकुमार तथा भारतीय सशस्त्र सीमा बलका रंजितकुमार,राहुलकुमार, बिमलकुमारको संयुक्त टोलीले एसएसबी चेकपोष्टबाट सोमईलाई पक्राउ गरेको हो ।

सोमैलाई आवश्यक कारवाहीका लागि बहराईच चलान गरिएको रुपईडिहा प्रहरीले जनाएको छ ।