नेपालगन्ज : अबैद्य रूपमा भारतबाट ल्याईएका दुई सय ५७ वटा खसी मध्ये २ सय८ खसी लिलाम गरिएकोछ । नेपालगन्ज भन्सार कार्यालयले लिलाम बढाबढमा ती खसीहरु लिलाम गरेको हो ।

भन्सारका अनुसार ४५ लाख ५१ हजार मूल्यमा खसी लिलाम भएकाछन् । जम्मा खसी मध्ये ४८ वटा खसी र ट्रक भने भन्सारको नियन्त्रणमा रहेको कोहलपुर प्रहरीले बताएकोछ ।

अगैयाको जंगलमा राती ट्रकमा लोड गरिरहेको अवस्थामा प्रहरी ती खसीलाई नियन्त्रणमा लिएको हो । रा १ ख २१८९ र रा १ ख १०९८ नंम्बरको ट्रकमा खसी लोड भैरहेको बेला नियन्त्रणमा लिएको कोहलपुर प्रहरीले बताएको छ ।

भारतबाट अबैद्य रूपमा खसी लयाएको खबर पाएपछि कोहलपुरमा प्रहरीको टोली अगैया तर्फ गएको थियो । प्रहरीले अगैयामा खसीसहित ट्रक चालकलाई समेत पक्राउ गरेको थियो ।

पक्राउ परेका खसी र चालकलाई नेपालगन्जस्थित भन्सार कार्यालयको जिम्मा लगाइएको कोहलपुर प्रहरी प्रमुख कुलदीप चन्द बताउँछन् ।