कोहलपुरः बाँकेको कोहलपुर नगरपालिका वडा नम्बर–१२, चप्परगौडीबाट ठूलो मात्रामा चरेशसहित एकजनालाई नियन्त्रणमा लिइएकोछ ।प्रस्तावित लुम्बिनी प्रदेश प्रहरी ब्यूरोको टोलीले कोहलपुर–१२, चप्परगौडीबाट १२ किलो लागुऔषध चरेशसहित एकजनालाई नियन्त्रणमा लिएको हो ।

कोहलपुर–१२, चप्परगौडी निवासी ३२ वर्षीय आकाश आरसीलाई बिहीबार दिउँसो साढे २ बजे चरेशसहित नियन्त्रणमा लिएको प्रदेश प्रहरी व्यूरोका प्रहरी निरीक्षक प्रमोद क्षेत्रीले जानकारी दिए ।

क्षेत्रीको नेतृत्वमा खटेको प्रहरीको विशेष टोलीले निज आरसीले पहेलो वस्तुले प्याक गरेको अवस्थामा १२ प्याकेट चरेश बरामद गरेको थियो ।बरामद लागुऔषध चरेश र आरसीलाई प्रहरीले आफ्नो नियन्त्रणमा लिएर आवश्यक अनुसंन्धानका लागि ईलाका प्रहरी कार्यालय कोहलपुरमा बुझाइएको छ ।