राप्तीसोनारी (बाँके): तीन दिनदेखी हराइरहेका स्कुले बालकको शव फेला परेकोछ । गत चैत्र ५ गते विद्यालय पोशाकमै साईकलसहित हराईरहेका ८ वर्षीय स्कुले बालक अरबिन चौधरीको शब फेला परेको हो ।

तीनदिन अघि हराएका उनको खोजि कार्य भैरहेको थियो । मृत भेटिएका बालक नवज्योती बोर्डिङ स्कुल चिलहरीयामा अध्ययनरत उनी घरको एक्लो सन्तान हुन ।

बाँकेको राप्ती सोनारी गाँउपालिका वडा नम्बर ५, विनौनाको चिलहरीया स्थित नालाको डिलमा उनको शव फेला परेको जनाइएकोछ । मृतक अरबिनको कम्मरभन्दा माथिको कपडा नभएको, कानबाट रगत बगेको र घाँटीमा नीलडाम भएको अवस्थामा आज शुक्रबार विहान १०ः१५ बजे शब फेला परेको जनाईएको छ । यतिबेला घटनास्थलमा प्रहरी परिचालन गरिएको छ ।