नेपालगन्ज: कोरोना भाइरसको संत्रासकाबीच कैलालीमा विस्फोट भएकोछ । विस्फोट हुदाँ घटना स्थलमै एकजनाको मृत्यु भएकोछ ।

कैलालीको विकट क्षेत्र गोदावरी नगरपालिका–४, फुलबस्तीमा विस्फोट हुदाँ अन्दाजी ३५ वर्षीय नरबहादुर विकको मृत्यु भएको हो ।

कैलाली प्रहरी प्रमुख एसपी सुदीप गिरीका अनुसार अहिले घटनास्थलतर्फ प्रहरी टोली पुगेकोछ । उनका अनुसार विकले गाउँमा तामाको वस्तु फेला पारेपछि पगाल्ने क्रममा पड्किएको थियो ।

यद्यपि, उक्त वस्तुमा विस्फोटक पदार्थ थियो वा थिएन भन्ने प्रहरी अनुसन्धानबाट खुल्नेछ ।