नेपालगन्जः विश्वब्यापी महामारि बनेको कोरोना भाइरसको जोखिमका बेला सरकारले लगाएको लकडाउन उल्लङ्घन गर्दै जुवा खेल्नेलाई पक्राउ गरिएकोछ ।

कोरोना भाइरसको संक्रमण रोक्न देशभर घोषणा गरिएको लकडाउनको उल्लङ्घन गर्दै जुवा खेलिरहेका ११ जना जुवाडेलाई पक्राउ गरिएको हो ।

यो घटना नेपालको पूर्व तराईको हो । पर्साको जिराभवानी गाउँपालिका वडा नम्बर ५ स्थित फूलवारीमा जुवा खेलिरहेका ११ जनालाई प्रहरीले जुवाखालबाट नियन्त्रणमा लिएको छ ।

साथै उनीहरुको साथबाट प्रहरीले जुवा खेल्नमा प्रयोग गरिएको ५७ हजार २ सय ९० रुपैयाँ बरामद गरेको छ ।

पक्राउ परेका सबैलाई नियन्त्रणमा लिई थप अनुसन्धान तथा कारबाहीका लागि प्रक्रिया अघि बढाइएको जिल्ला प्रहरी कार्यालय पर्साले जनाएको छ ।