दाङ : पश्चिम दाङको बबई गाउँपालिका–३ धनुमासमा त्रिशुल प्रहारबाट एक व्यक्तिको हत्या गरिएको छ ।

धनुमासका २८ वर्षीय बालीराम ओलीले सोही ठाउँका ४७ वर्षीय नारायण डाँगीलाई फलामको त्रिशुलले हानेर हत्या गरेका हुन् । घटना आज बिहान सवा ७ बजे भएको थियो ।

ईलाका प्रहरी कार्यालय खिलतपुरका प्रहरी निरीक्षक मोहनविक्रम केसीका अनुसार त्रिशुल प्रहारबाट घाइते डाँगीको उपचारका लागि तुलसीपुर लग्दै गर्दा बाटोमा मृत्यु भएको हो ।

हत्याको आरोप लागेका वली पनि घाइते भएको र उनको पनि राप्ती प्रादेशिक अस्पताल तुलसीपुरमा उपचार भइरहेको छ । वलीको प्रहरीको निगरानीमा उपचार भइरहेको छ ।