नेपालगन्ज: बाघको हड्डी र छालासहित बाँकेमा एक जना पक्राउ परेका छन् ।

राप्तीसोनारी गाउँपालिका वडा नम्बर–१ का ४६ वर्षीय नवराज घर्ती पाटे बाघको छाला र हड्डीसहित पक्राउ परेका हुन् ।

५ नम्बर प्रदेश ब्युरोका प्रहरी निरीक्षक प्रमोद क्षेत्रीको नेतृत्वमा रहेको टोलीले उनलाई शनिवार दिउँसो कुसुमबाट पक्राउ गरेको प्रहरीले जनाएको छ ।

घर्तीको साथबाट पाटे बाघको छाला १ थान र ११ किलो हड्डी बरामद गरिएको प्रहरी निरीक्षक क्षेत्रीले बताए । बरामद गरिएको बाघको छाला र हड्डीसहित उनीमाथि थप अनुसन्धान भईरहेको छ ।